Samichlausevärsli - Klassiker

1. «Sami Niggi, Näggi, hinder em Ofe stegg i, gimer Nuss und Bire, so chumm i wieder füre.»
    
2. Samichlaus Du liebe Maa, Du weisch ja, dass i gfolget haa
   Du weisch au, dass i Guetzli mah,
   drum gfallt mir halt de Chlausetag.
    
3. Des dunklet scho im Tannewaud
   und s’schneielet ganz lislig.
   Was isch das für es Lichtli dört, i säbem chline Hüsli?
   Der tisch de Sacmichlaus dehei
   mit sine vilne Sache
   er isch jetzt mit em Schmutzli
   am Chlauseguetzli bache.
   Da pöpperlet’s as Lädeli
   und s’Glöggli ghört me lütte.
   Jetzt weiss er scho, wer dusse isch
   und was das söu bedüüte.
   S’Chrischt-Chindli chunt no Zobe spoot
   em Samichlaus go rote
   s’isch Ziit, dass uf e Wäg er got
   will d’Chinde scho tüe warte.
   Do packt dr Schmutzli aui Säck
   mit Guetzli, Gschänk und Chueche
   chum Samichlaus, jetzt gömmer
   aui Chind dehei go bsueche.
    
4. Ou samichlous,
   mis Härzli chlopfet lislig und fescht,
   ig hoff' Du weisch vo mir nur z'Bescht!
   Die andere chline, dumme Sache,
   möcht ig nächscht Jahr gwüss nümme mache!
   Drum, bitte lueg im Sack jetz drii,
   ob's öppis Schöns het ou für mii.

Viel Spass beim Lernen und Aufsagen des Samichlausevärslis.