Spiele mit den Fingern

Fingerversli für Kinder

Lässige Reime für kurze und lange Spielstunden.

Wenn es draussen mal nicht so schönes Wetter ist oder knapp Zeit ist, um zu spielen, eignen sich Fingerversli als unterhaltende Beschäftigung. Im folgenden Artikel stellen wir Ihnen ein paar herzige und lustige Versli vor, an denen Ihr Kind bestimmt Freude haben wird.

Über die Strasse gehen
Foif Chind schtönd am Strasserand,
si gönd in Chindsgi mitenand
S'erscht rännt eifach über d‘ Strass
S'zwait rännt eifach hinenah
S'dritte knaberet sis Brötli aa
S'vierte lueget amene Schnäggli naa
Und s'foifte seid: nei, nei, nei,
zerscht müemmer warte, luege und dänn laufe,
über de gäli Fuessgängerstreife

Naturversli
Ich bin d'Kastanie Pfüüsli und wohne imne stachlige Hüüsli
Ich bin d'Baumnuss Bolle und chan ganz schnäll rolle
Ich bin dä Tannezapfe Fritz und wohne z'oberscht uf em Tannespitz
Ich bin d'Eichle Päuli fresse tüend mi leider d'Säuli
Und ich bin s'Erdnüssli und gibe dir grad äs Küssli

Frühstücksversli
Dää sitzt still und froh am Tesch
dää bringt Weggli herrlech frösch
dää schänkt Melch und Kafi ii
dää tuet echli Zucker drii
dää seit: Lass no es betzeli schtoh s'Büsi mues au z'Morge haa.

Regenversli
Dä seit: bim Rääge, do wird me nass.
Dä seit: bim Rääge, das isch kei Gschpass.
Dä seit: bim Rääge, do goni ned us.
Dä seit: bim Rääge, do blib ech im Huus.
De Chlinscht seit bim Rääge: I mag nöd uf d'Sunne warte,
i goh mit em Schirm in Chendergarte.

Viel Spass beim Spielen!

Neuen Kommentar hinzufügen:

Mit dem Klick auf "Kommentar senden" erklären Sie einverstanden mit unserer Nutzungsbedingungen und unseren Datenschutzbestimmungen.